بنوں:شہید پولیس اہلکاروں کی نماز جنازہ ادا کردی گئی

بنوں میں دہشت گردوں کی فائرنگ سے شہید ہونے والے پولیس اہلکاروں کی نماز جنازہ ادا کردی گئی ہے

دہشت گردوں کی فائرنگ سے شہید پولیس اہلکاروں کی نماز جنازہ پولیس لائن میں پورے اعزاز کے ساتھ ادا کر دی گئی۔اعلامیہ کے مطابق ڈی ایس پی ہیڈ کوارٹر لکی مروت گل محمد خان، کانسٹیبل نسیم گل اور سلامت خان کے جسد خاکی کو سلامی بھی دی گئی ہے۔ڈی پی او بنوں، لکی مروت اور پولیس و آرمی کے آفیسرز نے نماز جنازہ کے موقع پر بھرپور شرکت کی۔واضح رہے کہ ڈی ایس پی گل محمد خان اور کانسٹیبل نسیم گل لکی مروت میں دہشتگردوں کے حملے میں شہید ہوئے تھے۔ ان کے علاوہ گزشتہ شب کانسٹیبل سلامت خان کو نامعلوم مسلح آفراد نے قتل کیا تھا۔واضح رہے کہ پورے اعزاز کے ساتھ شہید پولیس اہلکاروں کی نماز جنازہ  ادا کر دی گئی ہے.