سپریم کورٹ کے آئینی بینچ نے پی ٹی آئی رہنما شبلی فراز کی خالی نشست پر سینیٹ الیکشن روکنے کی استدعا مسترد کردی، عدالت نے اس حوالے سے پشاور ہائیکورٹ کا فیصلہ کالعدم قرار دیتے ہوئے عدالت عالیہ کو شبلی فراز کی زیر التوا درخواست پر فیصلہ کرنے کا حکم دے دیا ۔
اسلام آباد: سپریم کورٹ کے آئینی بینچ میں شبلی فراز نا اہلی سے متعلق کیس کی سماعت ہوئی، سپریم کورٹ نے شبلی فراز کی اپیل پر کیس کو غیر معینہ مدت کے لیے ملتوی کرنے کا پشاور ہائیکورٹ کا فیصلہ کالعدم قرار دیتے ہوئے عدالت عالیہ کو شبلی فراز کی زیر التوا درخواست پر فریقین کو سن کر فیصلہ کرنے کا حکم دے دیا ۔
عدالت نے شبلی فراز کی خالی نشست پر سینیٹ الیکشن روکنے کی استدعا مسترد کردی، عدالت نے ریمارکس دیے کہ سینیٹ الیکشن مین مداخلت نہیں کریں گے ۔
جسٹس حسن اظہر رضوی نے پی ٹی آئی کے وکیل بیرسٹر گوہر کو مخاطب کرتے ہوئے ریمارکس دیے کہ آپ نے سینیٹ الیکشن کے لیے امیدوار بھی نامزد کر دیا ہے، جب امیدوار نامزد کردیا ہے تو حکم امتناع کیوں مانگ رہے ہیں، کل کتنی سیٹوں پر الیکشن ہے؟
بیرسٹر گوہر نے کہا کہ صرف ایک سیٹ پر الیکشن ہے، الیکشن کمیشن سے ہمیں بڑے بے آبرو کرکے نکالا گیا، آپ الیکشن پر حکم امتناع کردیں ۔
