صوابی میں بھائی نے فائرنگ کر کے اپنی ہی 3 بہنوں کو موت کی نیند سلا دیا۔
ذرائع کے مطابق فائرنگ کا یہ واقعہ زیدہ سٹی میں پیش آیا۔جدھر بھائی واردات کرنے کے بعد فرار ہو گیا۔پولیس کے مطابق ملزم کی فائرنگ سے جاں بحق ہونے والی 3 مقتول بہنوں کی عمریں 18سے لے کر 24سال کے درمیان ہیں، جبکہ اس کے برعکس گھر میں موجود باقی دو بہنوں نے چھپ کر اپنی جانوں کی حفاظت کی۔
پولیس کے مطابق ایک بہن کی منگنی پر ملزم نہایت ہی ناخوش تھا اور اس وجہ سے اس نے فائرنگ کر کے اپنی تین بہنوں کو قتل کردیا۔مقتول بہنوں کی والدہ پہلے ہی انتقال کر چکی ہیں اور جبکہ والد بہنوں کے ساتھ رہتے ہیں،مقتول بہنوں کا ایک بھائی دبئی میں بھی رہتا ہے۔پولیس حکام کے مطابق ملزم کی گرفتاری کے لیے چھاپہ مار کارروائیاں شروع کر دی گئی ہیں اور اس کے ساتھ ہی تفیش بھی شروع کر دی گئی ہے۔
