سوات میں بغیر ستون اور کیل کے نایاب لکڑی سےخوبصورت مسجد تعمیر کی گئی ہے
سوات کے علاقے باغ ڈھیرئی میں دیار کی قیمتی لکڑی سے 8 سال کی مدت میں تیار کی گئی مسجد اپنی مثال آپ ہے۔دیار کی نایاب لکڑی مسجد کی تعمیر میں استعمال کی گئی اور اس پر بنائے گئے خوبصورت نقش و نگار فن تعمیر کا ایک خوبصورت شاہکار ہیں،درو دیواراور مسجد کے منبر سمیت چھت اور فانوس تک دیار کی قیمتی لکڑی کے بنے ہو ئے ہیں، ایسی مسجد کی تعمیر ہے کہ کہیں ایک کیل بھی استعمال نہیں ہوئی،کوئی ستون بھی پوری مسجد میں نہیں ہے۔
عمائدین علاقہ کا مسجد کی تعمیر سے متعلق کہنا ہے کہ مسجد کی تعمیر میں 8 سال کا عرصہ لگا،تعمیر مسجد کی2001 میں شروع ہوئی اور 2008 میں مکمل ہو ئی،صرف دیار کی لکڑی مسجد کی تعمیرمیں استعمال ہو ئی ہے،ہر پھول لکڑی کا دوسرے پھول سے مختلف ہے جبکہ تعمیر کے دوران ہاتھ سے کی گئی کندہ کاری کاریگروں کی مہارت کا منہ بولتا ثبوت ہے۔مسجد کے منتظم محمد عمر کے مطابق سوات کے علاوہ کندہ کاری کا کام چنیوٹ اور رسالپور کے کاریگروں سے کرایا گیا ہے۔رمضان کے مہینے میں جبکہ مسجد میں لوگ دور دور سے آتے ہیں اور لوگوں کا مسجد میں رش ہوتا ہے۔
