ہرنائی (شاہ فہاد) زرغون غر میں شعبان کے پکنک پوائنٹ سے 10 افراد اغوا کر لیے گئے۔ لیویز کنٹرول روم کے مطابق پچاس سے ساٹھ مسلح افراد نے پکنک منانے والوں کو گھیرے میں لیا اور ان میں سے 14 افراد کو ہمراہ لے گئے۔
مسلح افراد نے شناختی کارڈ چیک کرنے کے بعد چار افراد کو چھوڑ دیا۔ مغویوں میں ایک شخص جس کا نام جہانزیب تعلق پشین سے ہے تاہم وہ آبادکار ہے۔ ایک اور شخص کا نام بصیر درانی بتایا گیا ہے۔ دیگر 8افراد کے بارے میں ابھی تک تصدیق نہیں ہو سکی کہ انکا تعلق کس علاقہ سے ہے۔
مغوی افراد کو ضلع ہرنائی کی یونین کونسل زرغون غر شعبان سے اغواء کیا گیا جوکہ کوئٹہ کے قریب ہے۔ مسلح افراد نے سرکاری ریسٹ ہاوس اور بجلی کے پول پر کالعدم تنظیم کے جھنڈے بھی لگائے۔
