خیبرپختونخوا کے قبائلی ضلع خیبر میں باڑہ پولیس چوکی پر دہشت گردوں کا ایک حملہ ناکام بنا دیا گیا۔ دہشت گرد حملے میں دو پولیس اہلکار زخمی ہوئے جنہیں اسپتال منتقل کردیا گیا ہے۔ پولیس کی جوابی کارروائی سے دہشت گرد فائرنگ کرتے ہوئے فرار ہوگئے۔
پولیس کے مطابق دہشت گرد حملے میں ایک پولیس کی گاڑی جل گئی۔ واضح رہے کہ گزشتہ ماہ بھی تحصیل باڑہ میں ایف سی اور پولیس چیک پوسٹ پر نامعلوم دہشت گردوں کے حملے میں دو جوان شہید جبکہ چھ شدید زخمی ہوگئے تھے۔
