Latest Urdu news from Pakistan - Peshawar, Lahore, Islamabad

قائداعظم محمدعلی جناحؒ کا یوم پیدائش آج ملک بھر میں جوش وجذبے سے منایا جارہا ہے

قائداعظم محمد علی جناح 25 دسمبر 1876ء کو کراچی میں پیدا ہوئے، ابتدائی تعلیم مکمل کرنے کے بعد لندن سے قانون کی ڈگری حاصل کی سیاست کے آغاز کے کچھ عرصے بعد ہی انڈین نیشنل کانگریس میں شامل ہوئے۔

آج صبح مزار قائد پر گارڈز کی تبدیلی کی پر وقار تقریب ہوئی جس میں پاکستان ملٹری اکیڈمی کاکول کے چاق چوبند دستے نے مزار پر گارڈز کے فرائض سنبھال لیے، مہمان خصوصی میجر جنرل افتخار حسن چوہدری نے مزارپرپھول رکھے فاتحہ خوانی کی اور مہمانوں کی کتاب میں تاثرات قلمبند کیے۔

قائد اعظم نے مسلمانوں کیلئے علیحدہ ملک کے قیام کیلئے شروع کی گئی تحریکِ آزادی کو گلی گلی پہنچایا اور 14 اگست 1947ء میں ان کیلئے الگ ریاست حاصل کرنے میں کامیاب ہوگئے، وہ پاکستان کے پہلے گورنر جنرل بنے۔

پروفیسر جامعہ اردو ڈاکٹر توصیف کے مطابق قائد اعظم نے جس پاکستان کا خواب دیکھا اس کی عملی شکل انہی کے افکار پر عمل سے ممکن ہے۔

مسلمانوں کے حقوق اور علیحدہ وطن کے حصول کیلئے انتھک جدوجہد نے قائد اعظم کی صحت پر منفی اثرات مرتب کئے، قیامِ پاکستان کے ایک سال بعد 11 ستمبر 1948ء کو محمد علی جناح خالقِ حقیقی سے جاملے۔

نگران وزیراعظم انوار الحق کاکڑکا قائداعظم کےیوم ولادت پرپیغام میں کہا پوری قوم بانی پاکستان کو انتہائی عقیدت اوراحترام کے ساتھ یاد کرتی ہے،محمد علی جناحؒ آج بھی ہم سب کیلئےمشعل راہ ہیں،انکے غیرمتزلزل قوت ارادی نے مسلمانوں کو عظیم مقصدکیلئے بہادری سےمقابلہ کرنےکاعزم دیا،اصول پسندی، دیانت اور یقین کی وجہ سے مخالفین بھی ان کی عزت کرتے تھے۔

جواب چھوڑیں

آپ کا ای میل ایڈریس شائع نہیں کیا جائے گا.