اپنے ویڈیو بیان میں وزیراعلیٰ علی امین گنڈاپور نے اسلام آباد میں سنگجانی ٹول پلازہ کے قریب قیدی وینز پر حملے سے متعلق کہا کہ ملک کے اندر لاقانونیت کا رواج قائم کردیا گیا، آج ہمارے وزیر، ایم این اے اور ورکرز کی ضمانت ہوئی، ضمانت کے بعد انہیں دوبارہ گرفتار کرلیا گیا۔
علی امین گنڈا پور نے قیدی وینز پر حملے کو پولیس کا ڈرامہ قرار دے دیتے ہوئے اسلام آباد پولیس سے مخاطب ہوکر کہا کہ جس طریقے سے آپ نے یہ ڈرامہ شروع کیا اور آئے روز یہ ڈرامہ کرتے آرہے ہیں یہ آپ کو بند کرنے پڑیں گے۔
وزیراعلیٰ خیبرپختونخوا نے الزام لگایا کہ جیل لے جاتے ہوئے ترنول کے ایس ایچ او نے اپنے ہاتھ سے وین کے شیشے توڑے، ڈرامہ رچا کر قیدیوں کو وین کے تالے توڑ کر نیچے کھڑا کردیا گیا، ایک ڈرامہ رچایا گیا کہ یہ لوگ فرار ہو رہے ہیں، میرے پاس ویڈیو اور ثبوت ہیں۔
وزیراعلی خیبر پختونخوا نے اسلام آباد پولیس سے مخاطب ہوکر کہا کہ جس طریقے سے آپ نے یہ ڈرامہ شروع کیا اور آئے روز یہ ڈرامہ کرتے آرہے ہیں یہ آپ کو بند کرنے پڑیں گے۔
انہوں نے اپنے ویڈیو بیان میں یہ بھی کہا ہے کہ وارننگ دے رہا ہوں اس طرح کے ڈرامے نہ کریں، اگر گرفتار کیا ہے تو ان لوگوں کو خیریت سے پہنچائیں، کسی کو کچھ بھی ہوا تو ایس ایچ او ترنول اور ڈی پی او ذمہ دار ہوں گے، ڈی آئی جی، آئی جی اور پھر وزیر داخلہ ذمہ دار ہوں گے۔
