طوفان جس نے بنگلہ دیش اور ہندوستان کے نشیبی علاقوں میں شدید طوفان آیا۔جس میں کم از کم 65 افراد کی موت ہو گئی ہے۔
طوفان ریمال، جو کہ اتوار کی شام کو شدید آندھی اور طوفانی لہروں کے ساتھ آیا جس کے باعث سیلاب اور لینڈ سلائیڈنگ شروع ہوئی۔ریاست کے زیر انتظام بنگلہ دیش کے محکمہ موسمیات کے ڈائریکٹر عزیز الرحمن نے کہا کہ یہ طوفان "ملکی تاریخ کا سب سے طویل ترین طوفان” تھا، جس کا ذمہ دار انہوں نے موسمیاتی تبدیلی کو قرار دیا۔بنگلہ دیش میں، اس طوفان کی زد میں آکر کم از کم 17 افراد کی موت ہوئی ہے۔
جبکہ بھارت میں، 48 افراد ہلاک ہوئے ہیں۔زیادہ تر لوگ شمال مشرقی ریاست میزورم میں مارے گئے جہاں 28 افراد ہلاک ہوئے۔میزورم کی حکومت نے ایک بیان میں کہا کہ اس میں ایک کان میں کچلے گئے 14 مزدور بھی شامل ہیں جو بارش کے طوفان میں منگل کو منہدم ہو گئی تھی۔
سینئر سرکاری اہلکار سمیت گپتا نے بدھ کو بتایا کہ مغربی بنگال ریاست میں دس افراد کی موت ہو گئی۔ہندوستان ٹائمز کے حوالے سے رپورٹس کے مطابق، آسام، ناگالینڈ اور میگھالیہ کی ریاستوں میں کم از کم 10 دیگر افراد ہلاک ہوئے۔سائیکلون ہر سال بنگلہ دیش اور بھارت سے ٹکراتے ہیں، لیکن گنجان آباد ساحل سے ٹکرانے والے سپر طوفانوں کی تعداد میں تیزی سے اضافہ ہوا ہے، سائنسدانوں کا کہنا ہے کہ موسمیاتی تبدیلی مزید طوفانوں کو ہوا دے رہی ہے۔تاہم، بہتر پیشن گوئی اور انخلاء کی زیادہ موثر منصوبہ بندی نے ہلاکتوں کی تعداد میں ڈرامائی طور پر کمی کی ہے۔
