خیبرپختونخوا سے 26 امیدواروں پر مشتمل سینیٹ کی 11 نشستوں پر انتخابات کے لیے حتمی فہرست جاری کردی گئی ہے۔ان 11 نشستوں میں سے 7 سات جنرل نشستوں کے لیے 16، ٹیکنوکریٹس کی 2 نشستوں کے لیے جبکہ 6 خواتین کی 2 نشستوں کے لیے 4 امیدوار میدان میں آئیں گے۔جنرل نشستوں کے لیے مراد سعید، اعظم سواتی، طلحہ محمود، عطا الحق اور فیصل جاوید کا نام فائنل کرلیا گیا ہے، فیض الرحمٰن مرزا آفریدی، آصف رفیق، اظہرمشوانی اور خرم ذیشان بھی مدمقابل ہوں گے، حتمی فہرست میں نورالحق قادری، نیازاحمد، دلاور خان، عرفان سلیم، شفق ایازکا نام بھی شامل ہے۔

ٹیکنوکریٹس کی 2 نشستوں پر انتخابات کے لیے خالد مسعود، دلاورخان، ارشاد حسین، اعظم سواتی، نورالحق قادری اور وقاص اورکزئی کا نام فائنل کیا گیا ہے۔اس کے علاوہ خواتین کی 2 نشستوں کے لیے روبینہ خالد، روبینہ ناز، مہوش علی اورعائشہ بانو شامل ہیں۔یاد رہے کہ 11 مارچ کو سینیٹ کی 48 نشستیں خالی ہونے کے بعد الیکشن کمیشن ان پر انتخابی شیڈول 14 مارچ کو جاری کرنے کا اعلان کیا تھا، اس کے بعدالیکشن کمیشن نے 14 مارچ کو سینیٹ کی 48 نشستوں پر 2 اپریل کو انتخابات کرانے کا شیڈول جاری کیا تھا۔