وزیراعظم کے مشیر رانا ثنا اللہ نے کہا ہے کہ خیبرپختونخوا حکومت صرف وہی کرے گی جو وفاق ان سے کہے گا۔
اپنے بیان میں رانا ثنا اللہ نے کہا تھا کہ کیا وزیر اعلیٰ خیبرپختونخوا علی امین گنڈا پور تیس مار خان ہے، وزیر اعلیٰ صرف ہوائی فائرنگ کر رہے ہیں انہوں نے کرنا کچھ بھی نہیں ہے، کے پی حکومت صرف وہی کرے گی جو وفاق کہے گا۔رانا ثنا اللہ نے کہا کہ اگر پی ٹی آئی سے اسٹیبلشمنٹ بات کرنا چاہتی ہے تو کرے ہم نے کب کسی کو روکا ہے، شروع سے ہی پی ٹی آئی کا جھگڑا اسٹیبلشمنٹ سے ہے۔
لیگی رہنما کے مطابق پی ٹی آئی اپنے دور حکومت میں اپوزیشن کو ختم کرنا چاہتی تھی، جب ان کا اسٹیبلشمنٹ نے ساتھ نہیں دیا تو کہنے لگے کہ میر جعفر اور میر صادق ہیں، پی ٹی آئی کا جھگڑا یہی ہے کہ اسٹیبلشمنٹ ملکی نظام و سیاست میں مداخلت کرے۔مزید رانا ثنا اللہ نے کہا کہ عمران خان کی تصویر کو دیکھ کر لگ رہا ہے کہ جیل میں ان کو سب کچھ مل رہا، ممنوعہ چیز بھی مل رہی ہے۔
