اسلام آباد: شعبان المعظم کا چاند نظر آگیا ہے، رویت ہلال کمیٹی کے مطابق جمعہ کو یکم شعبان المعظم ہوگا۔
مولانا سید عبدالخبیر آزاد کی صدارت میں مرکزی رویت ہلال کمیٹی کا اجلاس منعقد ہوا جس میں مختلف علماء اور مفتیان کرام نے شرکت کی، اس اجلاس کے دوران شعبان المعظم کے چاند کی رویت پر غور کیا گیا ۔
ملک کے اکثر و بیشتر مقامات پر مطلع صاف کچھ جگہوں پر مطلع آبر آلود رہا ،کوئٹہ اور تھر سے چاند نظر آنے کی شہادتیں موصول ہو گئیں جس کے مطابق 31 جنوری بروز جمعہ کو یکم شعبان المعظم ہوگی اور 13 فروری کو شب برأت منائی جائے گی ۔
چیئرمین رویت ہلال کمیٹی مولانا عبدالخبیر آزاد نے ملکی سلامتی، فلسطینی بھائیوں کی مشکلات کے حل کیلئے خصوصی دعا کی ، اللہ غزہ کے مظلوموں کو خوشیوں کو مزید بڑھاوا دے، ظالم کے ظلم سے اللہ انہیں محفوظ فرمائے ۔
ملکی سلامتی کیلئے جان قربان کرنے والے فوجی و سویلین شہیدوں کیلئے خصوصی دعا، باران رحمت کیلئے دعا اور کرم بھی امن و امان کیلئے بھی روئیت ہلال کمیٹی میں خصوصی دعا کی گئی ۔
