اقوام متحدہ کی سلامتی کونسل نے سراج الدین حقانی کے ساتھ ساتھ 4 افغان عبوری عہدیداروں پر عائد سفری پابندیوں کو ہٹادیا ہے۔
ان افغان عہدیداروں میں عبدالکبیر محمد جان، عبدالحق واثق، نور محمد ثاقب اور عبوری وزیر داخلہ سراج الدین حقانی شامل ہیں۔ان سب پر سعودی عرب کے سفر کی پابندیاں ختم کردی گئی ہیں۔ اب سفری پابندی ختم ہونے کے بعد افغان عہدیدار فریضہ حج کو بھی ادا کرسکیں گے۔ان پابندیوں کو ایسے وقت میں ہٹایا گیا ہے جب افغانستان کے وزیر داخلہ خلیفہ سراج الدین حقانی پہلے غیر ملکی دورے پر 4 جون کو وفد کی قیادت میں متحدہ عرب امارات کے لئے گئے تھے،اس دورے میں امارت اسلامیہ کے انٹیلی جنس چیف ملا عبدالحق وثیق بھی شامل تھے۔
