کوئٹہ: مچھ میں سکیورٹی فورسز نے دہشت گردوں کا حملہ ناکام بنا کر انہیں فرار ہونے پر مجبور کر دیا۔ سیکورٹی ذرائع کے مطابق مچھ میں بلوچ لبریشن آرمی کے دہشتگردوں کے فائر ریڈ کی کوشش کو سکیورٹی فورسز نے بری طرح ناکام بنا دیا۔ سکیورٹی فورسز کو دہشت گردوں کے حملے کی اطلاعات مل گئی تھی جس کے بعد فورسز نے دہشت گردوں کی سرکوبی کے لیےتیاری کر رکھی تھی۔
پاکستان کی عظیم دفاعی فورسز کی طرف سے مؤثر جواب کے نتیجے میں دہشتگرد بعد فرار ہو گئے، دوسری جانب سکیورٹی فورسز نے بھاگنے والے دہشت گردوں کیخلاف سرچ آپریشن شروع کر دیا۔
بلوچستان کے نگران صوبائی وزیر اطلاعت جان اچکزئی نے بتایا ہے کہ مچھ میں پہاڑوں سے راکٹ فائر ہونے کی رپورٹ ہے، کسی بھی نقصان کی اطلاع نہیں موصول ہوئی، قانون نافذ کرنے والے ادارے ہر طرح سے الرٹ ہیں۔
