سینٹ اجلاس کل طلب ۔سینٹ اجلاس میں چیئرمین اورڈپٹی چیئرمین کا انتخاب ہوگا
صدر مملکت نے سینیٹ کا اجلاس 9اپریل کو طلب کرلیا۔صدر آصف علی زرداری کی جانب سے سینیٹ کا اجلاس کل صبح 9 بجے طلب کیا گیا ہے۔سینیٹ اجلاس میں نئے اراکین کی حلف برداری ہوگی اورساتھ ہی چیئرمین و ڈپٹی چیئرمین سینیٹ کا الیکشن بھی ہوگا۔یاد رہے کہ گزشتہ دنوں ایوان بالا کی 30نشستوں پر الیکشن کے بعد پیپلز پارٹی سب سے بڑی پارٹی بن گئی ہے ۔جس کے سینیٹرز کی تعداد 24ہے۔پی ٹی آئی کے سینیٹرز کی تعداد 19جبکہ مسلم لیگ ن کے سینیٹرز کی تعداد بھی 19ہے۔جبکہ پاکستان پیپلزپارٹی کی جانب سے سینیئر رہنما اور سابق وزیر اعظم یوسف رضا گیلانی کو چیئرمین سینیٹ نامزد کیا گیاہے۔
