سوشل میڈیا اسٹار خاتون 34 سال کی عمر میں ہی دادی بن گئیں ہیں۔
سنگاپور سے تعلق رکھنے والی سوشل میڈیا اسٹار خاتون صرف 34 سال کی عمر میں ہی دادی بن گئیں ہیں۔غیر ملکی خبررساں اداروں کے مطابق شرلی لنگ نامی خاتون ایک ریسٹورنٹ کی مالک ہیں جن کی تین شادیاں ہوچکی ہیں اور ان تین شادیوں میں سے ان کے 5 بچے ہیں۔اب رپورٹس کے مطابق شرلی کی عمر 35 برس ہے، گزشتہ برس ان کے 17 سالہ بیٹے کے ہاں بچے کی پیدائش ہوئی تھی اور اس طرح شرلی 34 سال کی عمر میں ہی دادی بن گئی تھیں۔
غیرملکی خبررساں اداروں کے مطابق شرلی کے ہاں پہلے بیٹے کی پیدائش 17 سال کی عمر میں ہوئی جس کے بعد ان ک ایک اور بیٹا پیدا ہوا اور پھر اس کے بعد ان کے ہاں 3 بیٹیوں کی پیدائش ہوئی۔مارچ کے مہینے میں خاتون نے ایک ویڈیو انسٹاگرام پر شیئر کی تھی۔انہوں نے جس میں دادی بننے کے اچھے اور برے تجربے سے آگاہ کیا تھا۔ غیر ملکی میڈیا کے مطابق اس حوالے سے انٹرنیٹ پر خاتون کے بارے میں مختلف تبصرے جاری ہیں جبکہ شرلی ایک مقامی کامیڈی فلم میں بھی کام کرچکی ہیں۔
