راولپنڈی: پاکستان تحریک انصاف کے بانی عمران خان اور ان کی اہلیہ بشریٰ بی بی کے خلاف 190 ملین پاؤنڈ ریفرنس پر فیصلہ ایک مرتبہ پھر موخر ہوگیا، عدالتی عملے نے عمران خان کے وکیل خالد یوسف چودھری کو آگاہ کیا ہے کہ کیس کا فیصلہ 13 جنوری کو سنایا جائے گا ۔
بانی پی ٹی آئی کے وکیل خالد یوسف چودھری نے بتایا کہ عدالتی عملے کے مطابق 190 ملین پاؤنڈ کیس کا فیصلہ آج نہیں سنایا جائے گا، فیصلہ سنانے کی اگلی تاریخ 13 جنوری مقرر کی گئی ہے ۔
واضح رہے کہ گزشتہ سماعت پر عدالت نے چھٹیوں اور کورس کے باعث سماعت ملتوی کرتے ہوئے کہا تھا کہ کیس کا فیصلہ 6 جنوری کو سنایا جائے گا ۔
احتساب عدالت کے جج ناصر جاوید رانا نے دلائل سننے کے بعد 18 دسمبر کو سینٹرل جیل اڈیالہ میں فیصلہ محفوظ کیا تھا اور اس کے سنانے کیلئے 23 دسمبر کی تاریخ مقرر کی تھی، تاہم بعدازاں اس کیلئے 6 جنوری کی تاریخ مقرر کی گئی ۔
اب عدالتی عملے نے پی ٹی آئی کے بانی کے وکلا کو بتایا ہے کہ اس کیس کا فیصلہ 13 جنوری کو سنایا جائے گا ۔
