پشاور میں شیر افضل مروت کی ریلی میں شریک شخص کو تھپڑ مارنے کی ویڈیو وائرل ہوگئی
سوشل میڈیا پرپی ٹی آئی رہنما شیر افضل مروت کی ریلی میں شریک شخص کو تھپڑ مارنے کی ویڈیو وائرل ہو گئی ہے۔
شیرافضل مروت کو وائرل ویڈیو میں ایک شخص کو تھپڑ مارتے دیکھا جا سکتا ہے۔اعلامیہ کے مطابق پی ٹی آئی رہنما شیرافضل مروت کارکنوں کی بھیڑ میں پھنس گئے تھے۔ اس دوران شیر افضل مروت دھکم پیل کے باعث غصے میں آگئے اور انہوں نے پاس کھڑے شخص کو تھپڑ مار دیا۔شیرافضل مروت نے اس حوالے سے وضاحت کی کہ ویڈیو میں نظر آنے والا شخص میرا ذاتی گارڈ ہے۔ میرا گارڈ دہشت گردی کے پیش نظر مجھے کہہ رہا تھا کہ گاڑی میں بیٹھ جاؤ۔انہوں نے بتایا کہ میرا گارڈ ورکرز کو میرے پاس آنے پر دھکے دے رہا تھا۔ میں نے گارڈ کو منع کیا کہ مجھے نہ کھینچے۔
