پشاور میں عید الاضحی سے پہلے ہی ٹماٹر کی فی کلو قیمت میں 100 روپے سے زائد تک کا اضافہ ہوگیا ہے۔
ذرائع کے مطابق عید الاضحی سے پہلے ہی منافع خوروں نے عوام کو خوب لوٹنا شروع کردیا۔ ٹماٹر کی قیمت میں کئی گنا تک اضافہ ہوگیا۔ تین دن پہلے 40،50 روپے کلوملنے والے ٹماٹر اب 150 روپے پر پہنچ گئے ہیں۔دوسری طرف پیاز،سبز مرچ ،ادرک سمیت دیگر سبزیاں بھی مہنگی ہوگئی ہیں،عید الاضحی سے پہلے ہی قیمتوں میں اضافے سے پریشان حال عوام نے حکومت سے فوری ایکشن لینے کا مطالبہ کردیا ہے۔
جبکہ ضلعی انتظامیہ نے ٹماٹر اور دیگر اضلاع سپلائی کرنے پر دفعہ 144 نافذ کردیا ہے۔ اگلے 10 دن کےلیے ٹماٹر کی دیگر اضلاع سپلائی پر پابندی کا اعلامیہ بھی جاری کردیا گیا۔ اس حوالے سے کسی بھی شخص یا ادارے کو ٹماٹر یا دیگر کوئی بھی اضلاع لے جانے کی اجازت نہیں ہوگی۔
