کراچی میں دہشت گردی کا بڑا منصوبہ ناکام بنا دیا گیا ہے,بھارتی خفیہ ایجنسی را سے تعلق رکھنے والے دو دہشت گردوں کو گرفتار کرلیا گیا ہے۔
کراچی میں پولیس نے شہر میں دہشت گردی کے بڑے منصوبے کو ناکام بنادیا ہے، بھارت کی خفیہ ایجنسی راء سے تعلق رکھنے والے 2 انتہائی خطرناک دہشتگردوں کو گرفتار کر لیا گیا ہے۔ کراچی کے علاقے کورنگی میں پولیس نے 2انتہائی خطرناک دہشتگردوں کو گرفتار کرلیا ہے، دہشتگردوں سے 2ہینڈ گرنیڈ، ایک 9 ایم ایم پستول اور گولیاں برآمد کی گئی ہیں۔پولیس کے مطابق گرفتار دہشتگردوں کی شناخت خاور حسین ولد عبدالغنی اور جابر ولد مشتاق کے نام سے ہوئی ہے، دونوں ملزم بیرون ملک سے بتائے گئے ٹارگٹ کی ریکی کرتے تھے۔ایس ایس پی کورنگی کے مطابق ملزمان تمام تفصیلات اور تصاویریں کو بیرون ملک بھیجتے تھے جبکہ اس کے ساتھ ہی ملزمان کو مختلف بینک اکاؤنٹس کے ذریعے لاکھوں روپے بھی موصول ہوچکے ہیں، دہشتگردوں کا تعلق بھارت کی خفیہ ایجنسی راء سے ہے۔
