پنجاب میں خیبرپختونخوا سےداخل ہونے والے دو دہشت گرد فائرنگ کے تبادلے میں ہلاک ہوگئےہیں
خیبرپختونخوا سے پنجاب داخل ہونے والے دو دہشت گرد ہلاک محکمہ انسداد دہشت گردی (سی ٹی ڈٰی) کے ساتھ فائرنگ کے تبادلے میں ہلاک ہوگئے ہیں۔ترجمان سی ٹی ڈی کے مطابق بھکر کے قریب دہشت گردوں اور سی ٹی ڈی کے درمیان فائرنگ کا تبادلہ ہوا جس کی وجہ سے خیبرپختونخوا سے پنجاب داخل ہونے والے دو دہشت گرد ہلاک ہوگئے۔
دہشت گردوں کو سی ٹی ڈی اور سکیورٹی اداروں نے روکنے کی کوشش کی تو دہشت گردوں نے سی ٹی ڈی ٹیم پر فائرنگ کردی۔ دونوں دہشت گرد جوابی فائرنگ سے ہلاک ہوگئے۔سی ٹی ڈی حکام کے مطابق مارے جانے والے دہشت گرد حساس تنصیب پر حملے میں ملوث تھے ، حکام کے مطابق بھاری مقدار میں بارودی مواد دہشت گردوں کے قبضے سے برآمد ہوا۔ دونوں ہلاک دہشت گردوں کی شناخت جاری ہے۔ دونوں کا تعلق کالعدم تنظیم سے ہے۔
