منیلا: غیر خبر ایجنسی کے مطابق فلپائن میں سمندری طوفان ٹرامی سے ہونے والی ہلاکتوں میں مزید اضافہ ہوگیا ہے اور ہلاکتوں کی تعداد اب 120 سے تجاوز کر گئی ہے۔
رپورٹ کے مطابق سمندری طوفان کی وجہ سے 36 افراد تاحال لاپتہ اور لاکھوں لوگ بے گھر ہو چکے ہیں
طوفان کے بعد رہائشی علاقوں میں سیلاب اور شدید بارشوں کی وجہ سے نظام زندگی درہم برہم ہوگیا ہے اور گھروں میں پانی جمع ہونے سے شہری گھر کی چھتوں پر محصور ہو کر رہ گئے۔
فلپائن کی نیشنل ڈیزاسٹر ایجنسی کے مطابق طوفان ٹرامی کے باعث تقریباً 5 لاکھ سے زائد افراد نے نقل مکانی کی ہے۔
غیر ملکی خبر ایجنسی کی رپورٹ کے مطابق سمندری طوفان ٹرامی 24 اکتوبر کو فلپائن سے ٹکرایا تھا جب کہ ٹرامی اس سال فلپائن میں آنے والا سب سے خطرناک طوفان ہے۔
