سربراہ جمعیت علمائے اسلام نے کہاکل خیبرپختونخوا میں سینیٹ الیکشن میں جماعتی پالیسی کے مطابق ووٹ ڈالیں گے
اپنے ایک بیان میں سربراہ جمعیت علمائے اسلام مولانا فضل الرحمان نے کہا غزہ میں مظالم کے خلاف جے یو آئی نے تمام مصلحتوں کو بالائے طاق رکھ کر آواز بلند کی۔جسکی وجہ سے عالمی قوتیں ہمارے خلاف متحرک ہوئیں۔حالیہ انتخابات میں ہمارا راستہ روکا گیا۔ہم نے پوری جرات کے ساتھ عوامی تحریک کا اعلان کیا ہے۔ان کا مزید کہنا تھا کہ جوش و جذبے کے ساتھ ہم میدان میں اتریں گے۔ اگر فیصلے ایوانوں میں نہیں ہونے دیے جا رہے تو ہم عوامی اسمبلیوں میں آواز اٹھائیں گے۔یاد رہے کہ سینیٹ کی 48خالی نشستوں میں سے 18پر امیدوار بلامقابلہ منتخب کر لیے گئے جبکہ باقی 30نشستوں پر انتخاب کل ہونے جارہاہے۔
