مردان میں آج سے مکمل لاک ڈاؤن کا فیصلہ

مردان: ضلع مردان میں کورونا کیسز میں اضافے کے پیش نظر آج سے مکمل لاک ڈاؤن کا فیصلہ کرلیا گیا۔ رپورٹ کے مطابق ترجمان کے پی حکومت کامران بنگش کا کہنا ہے کہ مردان میں آج سے مکمل لاک ڈاؤن کا فیصلہ کیا ہے، آج سے 7 دن کے کے لیے مکمل لاک ڈاؤن ہوگا۔ کامران بنگش نے کہا کہ میڈیکل اسٹور، اشیائے ضروریہ کی دکانیں کھلی رہیں گی۔

ڈپٹی کمشنر کا کہنا ہے کہ ماسک کی خلاف ورزی پر جرمانہ ہوگا، شام 6 بجے سے سحری تک بازار بند رہیں گے، ضلع بھر کے سرکاری و نجی تعلیمی ادارے بند کردیے گئے ہیں۔

ادھر لودئر دیر انتظامیہ نے تیمرگرہ کے تمام بازار اور کاروباری مراکز کو بند کرادیا، لوئر دیر میں آج کورونا مثبت کیسز کی شرح 28 فیصد رہی۔ ضلعی انتظامیہ کی جانب سے 5 مقامات پر اسمارٹ لاک ڈاؤن نافذ کردیا گیا، میاں بانڈہ، تازہ گرام، مانیال، کنڈرو اور بازارک میں اسمارٹ لاک ڈاؤن نافذ کیا گیا ہے۔