پاکستان پیٹرولیم ڈیلر ایسوسی ایشن کا ملک بھر میں کل جمعرات سے ہڑتال کا اعلان
پیٹرول پمپ مالکان کو کل جمعرات کی صبح 6 بجے سے پیٹرول پمپ بند رکھنے کی ہدایت کر دی گئی
اسلام آباد(ویب ڈیسک) پاکستان پیٹرولیم ڈیلر ایسوسی ایشن نے ملک بھر میں کل جمعرات سے ہڑتال کا اعلان کردیا۔
تفصیلات کے مطابق پیٹرولیم ڈیلرز ایسوسی ایشن نے کل جمعرات سے ملک بھر میں ہڑتال کا اعلان کردیا ہے۔ پیٹرول پمپ مالکان کو کل صبح 6 بجے سے پیٹرول پمپ بند رکھنے کی ہدایت کر دی گئی ہے۔
پیٹرولیم ڈیلرز ایسوسی ایشن کے مطابق 25 نومبر صبح 6 بجے سے ملک بھر بشمول گلگت بلتستان، آزاد جموں کشمیر اور چترال میں پیٹرول پمپس بند رہیں گے۔ حکومت نے مطالبات تسلیم کرنے کی یقین دہانی کروائی تھی۔ لیکن ابھی تک کوئی رابطہ نہیں کیا گیا۔ اور نہ ہی حکومت نے ہمارے مطالبات تسلیم کئے۔ ہمیں یقین دہانی بھی کرائی گئی تھی اور ہم نے 5 نومبر کی ہڑتال کی کال واپس کی تھی۔ لیکن حکومت نے یقین دہانیوں پر کوئی عملدرآمد نہیں کیا، اب جب تک ڈیلر مارجن 6 فیصد نہیں کیا جاتا حکومت سے مزاکرات نہیں ہوں گے۔