پاکستان کی جانب سے بھارتی دعویٰ کو ایک بار پھر مسترد کردیا گیا
بھارت نے فروری سنہ 2019 میں پاکستان کا کوئی ایف 16 طیارہ نہیں مار گرایا تھا، پاکستان کا موقف
پاکستان کی جانب سے بھارتی دعویٰ کو ایک بار پھر مسترد کردیا گیا۔ پاکستان نے کہا ہے کہ بھارت نے فروری سنہ 2019 میں پاکستان کا کوئی ایف 16 طیارہ نہیں مار گرایا تھا۔
رجمان دفتر خارجہ عاصم افتخار کا کہنا ہے کہ ایف سولہ طیارہ گرانے کا بھارتی دعوی بے بنیاد اور من گھڑت ہے۔
انہوں نے اپنے بیان میں کہا کہ بھارتی پائلٹ کی گرفتاری سے پہلے ایف 16طیارہ گرانے کا بھارتی دعویٰ جھوٹا ہے۔ ابھینندن کو ایوارڈ دینے کا مقصد بھارتی عوام کی اصل حقائق سے توجہ ہٹانا ہے۔
ترجمان دفتر خارجہ نے کہا کہ بھارتی پائلٹ کو ایوارڈ دینا اپنی عوام کو خوش کرنا اور خفت مٹانا ہے۔ عاصم افتخار کے مطابق پاک فضائیہ نے 27 فروری 2019 کو 2 بھارتی طیاروں کو دن میں مار گرایا تھا۔ ایک بھارتی مگ21 طیارہ آزاد جموں و کشمیر کی حدود میں تباہ کیا گیا۔
President Kovind presents Vir Chakra to Wing Commander (now Group Captain) Varthaman Abhinandan. He showed conspicuous courage, demonstrated gallantry in the face of the enemy while disregarding personal safety and displayed exceptional sense of duty. pic.twitter.com/zrmQJgfbEr
— President of India (@rashtrapatibhvn) November 22, 2021
انہوں نے کہا کہ تباہ شدہ بھارتی طیارے کے پائلٹ کو پاکستان نے پکڑا۔ پھر جذبہ خیرسگالی کے تحت رہا کیا۔ پائلٹ کو واپس بھیجنا دلیل ہے کہ بھارتی ہٹ دھرمی کے باوجود پاکستان امن کا خواہاں ہے۔ ان کا کہنا تھا کہ عالمی ماہرین۔ امریکی حکام نے تصدیق کی کہ اس دن پاکستان کا کوئی ایف 16 طیارہ نہیں گرا۔ بین الاقوامی اور امریکی ماہرین نے ایف 16 طیاروں کے اسٹاک کا بغور جائزہ لیا۔
ترجمان دفتر خارجہ نے کہا کہ بھارتی پائلٹ کو اعزاز سے نوازنا فوجی اصولوں اور اقدار کے منافی ہے،شکست خوردہ بھارتی پائلٹ کو اعزاز سے نوازنا اپنا مذاق اڑانے کے مترادف ہے۔