پشاور ایئرپورٹ پر کارروائی ۔ مسافر سے 3 کلو کے قریب آئس اور ہیروئن برآمد
پشاور(رشید آفاق) ایئرپورٹ سیکیورٹی فورسز کی پشاور ایئرپورٹ پر کارروائی ۔ مسافر سے 3 کلو کے قریب آئس اور ہیروئن برآمد کرلی ۔
اے ایس ایف حکام کے مطابق بلال حسین نامی مسافر پشاور ایئرپورٹ سے ریاض جارہا تھا۔ ایئرپورٹ سیکیورٹی فورس نے شک گزرنے پر مسافر کے بیگ کی تلاشی لی ۔ اس دوران مسافر کے بیگ کے خفیہ خانے میں منشیات مہارت سے چھپائی گئی تھی ۔
اے ایس ایف کے مطابق منشیات بیگ میں بڑی مہارت کے ساتھ چھپائی گئی تھی ۔ تاہم سامان کی تلاشی کے دوران منشیات برآمد کرلی گئی ۔ برآمد ہونیوالی منشیات میں آئس اور ہیروئن تقریباًتین کلو کے قریب برآمد ہوئی ۔
اے ایس ایف حکام کے مطابق ملزم کو ابتدائی تفتیش کے بعدبرآمد شدہ منشیات سمیت مزید قانونی کارروائی کیلئے اے این ایف حکام کے حوالے کر دیا گیا۔