کسی دبائو میں نہیں آئیں گے ،فارن فنڈنگ کیس کا معاملہ عوامی سطح پر نہیں ہوگا ،الیکشن کمیشن

فارن فنڈنگ کیس سے متعلق ترجمان الیکشن کمیشن کی جانب سے بیان جاری کیا گیا ہے۔بیان کے مطابق کہا گیا اسکروٹنی کمیٹی کی طرف سے فارن فنڈنگ کیس پر کارروائی جا ری ہے۔ یہ بہت ہی اہم اور حساس کیس ہے اور اس پر میرٹ پر فیصلہ قومی مفاد میں ہے۔ترجمان نے کہا کہ فارن فنڈنگ کیس پر غیر ضروری اور بغیر شواہد کے تبصروں سے گریز کیا جائے۔

ترجمان الیکشن کمیشن کا کہنا تھا کہ اسکروٹنی کمیٹی کے اختیارات یا منصب ایک جے آئی ٹی کا ہے اس لیے کمیٹی کی کارروائی عوامی سطح پر نہیں ہو سکتی جب کہ عوامی سطح پر کارروائی سے کمیٹی کو اپنا کام کرنے میں دشواری ہوگی۔