پولیس ذرائع کے مطابق گزشتہ شب فائر بندی کے اعلان کے باوجود ضلع کرم کے مختلف علاقوں میں جھڑپیں چھٹے روز بھی جاری ہیں۔
ذرئع کا کہنا ہے کہ فائر بندی کے اعلان کے بعد تازہ جھڑپوں میں فریقین کے مزید 9 افراد جاں بحق ہو گئے، جس کے بعد جاں بحق افراد کی مجموعی تعداد 44 تک پہنچ گئی جبکہ 11 افراد زخمی بھی ہوئے۔
گزشتہ چھ روز سے جاری جھڑپوں میں 170 افراد زخم بھی ہو چکے ہیں۔
پولیس ذرائع کا میزد کہنا تھا کہ گاؤں بوشہرہ اور مالی خیل کے درمیان فائربندی کے بعد کسی قسم کی فائرنگ نہیں ہوئی بلکہ رات گئے مزید چار مقامات پر شدید فائرنگ کا تبادلہ ہوا ۔
ذرائع کے مطابق گزشتہ 6 روز سے جاری جھڑپوں کے باعث پاراچنار پشاور مین شاہراہ ہر قسم آمد و رفت کیلئے بند ہے جس کے باعث مقامی لوگوں کو شدید مشکلات کا سامنا ہے۔
ڈپٹی کمشنرجاویداللہ محسود کے مطابق بوشہرہ میں فائربندی ہوگئی ہے باقی علاقوں میں فائربندی کے لئے انتظامیہ، فورسز اور امن جرگہ جدوجہد میں مصروف ہیں۔
فائربندی کے باوجود کرم میں جھڑپیں جاری، جاں بحق افراد کی تعداد 44 ہوگئی،176 زخمی
