گلگت بلتستان: دیامیر کے قریب علاقہ تھورمنار کے مقام پر بھاشا ڈیم پر کام کرنے والے مزدوروں کی گاڑی گہری کھائی میں جا گری۔
حادثے کے نتیجے میں 5 مزدور جاں بحق اور 3 شدید زخمی ہوگئے۔
دیامیر پولیس کے مطابق حادثہ کا شکار ہونے ہونیوالی مزدا گاڑی میں کل 8مزدور سوار تھے، جو دیامر بھاشا ڈیم پر مزدوری کرنے جارہے تھے کہ ان کی گاڑی کو حادثہ پیش آیا۔
حادثے میں زخمی ہونے والوں کو علاج کیلئے ہسپتال منتقل کردیا گیا ہے۔
ریسکیو ترجمان کے مطابق جائے حادثہ سے نہ صرف لاشوں اور زخمیوں کو ریسکیو کیا ہے بلکہ مقامی رضاکاروں کی مدد سے گاڑی کا ملبہ بھی گہری کھائی سے برآمد کیا ہے۔
