ڈپٹی کمشنر کرم پر حملہ آروں کی شناخت کر لی گئی،حملہ آوروں کے ساتھ سہولت کار بھی شامل ہیں ۔
سرکاری ذرائع کے مطابق حملہ آوروں کے ساتھ سہولت کار بھی حملے ملوث ہیں، جن کے خلاف ایف آئی آر درج کر کے گرفتاری اور قانونی کارروائی کی جائے گی ۔
سرکاری ذرائع نے بتایا ہے کہ ملزمان کی تعداد 5 ہے جبکہ ملزمان کے علاوہ سہولت کار بھی ملوث ہیں، اس حوالے سے کوہاٹ میں آج اہم سیکورٹی اجلاس منعقد ہوگا، جس کی صدارت آئی جی پی کریں گے، آر پی او اور ڈی پی او بھی اجلاس میں شریک ہوں گے ۔
ذرائع نے یہ بھی کہا ہے کہ اس اجلاس کے بلانے کا فیصلہ گزشتہ رات گئے اعلیٰ سطح اجلاس میں ہی کیا گیا تھا اور ملزمان کو ہر صورت گرفتار کرنے کے حوالے سے آئی جو کو خصوصی ٹاسک دیا گیا تھا ۔
علاوہ ازایں چیف سیکرٹری خیبر پختونخوا ندیم اسلم چودھری بھی جلد کوہاٹ کا دورہ کریں گے، اہلیان علاقہ اور جرگہ مشران سے بھی ملزمان کی گرفتاری میں مدد لی جائے گی ۔
