سال 2026ء کی دوسری قومی انسدادِ پولیو مہم ملک بھر میں چھٹے روز بھی جاری ہے، جس کے تحت 4 لاکھ سے زائد پولیو ورکرز گھر گھر جا کر بچوں کو حفاظتی قطرے پلا رہے ہیں۔ نیشنل ای او سی کے مطابق مہم کے دوران بچوں کو وٹامن اے کی اضافی خوراک بھی فراہم کی جا رہی ہے جبکہ یہ مہم پاکستان اور افغانستان میں بیک وقت جاری ہے۔
ابتدائی پانچ روز کے دوران ملک بھر میں 4 کروڑ 41 لاکھ سے زائد بچوں کی ویکسینیشن مکمل کی جا چکی ہے۔ صوبہ پنجاب میں 2 کروڑ 28 لاکھ سے زائد، سندھ میں 1 کروڑ 1 لاکھ سے زائد، خیبر پختونخوا میں 70 لاکھ 49 ہزار سے زائد، بلوچستان میں 25 لاکھ 64 ہزار سے زائد بچوں کو پولیو سے بچاؤ کے قطرے پلائے جا چکے ہیں۔
اسی طرح اسلام آباد میں 4 لاکھ 41 ہزار سے زائد، گلگت بلتستان میں 2 لاکھ 92 ہزار سے زائد جبکہ آزاد جموں و کشمیر میں تقریباً 7 لاکھ 17 ہزار بچوں کو ویکسین دی جا چکی ہے۔
نیشنل ای او سی کے مطابق قومی پولیو مہم 13 سے 19 اپریل تک بلا تعطل جاری رہے گی۔ حکام کا کہنا ہے کہ پولیو ایک لاعلاج بیماری ہے جو بچوں کو زندگی بھر کے لیے معذور بنا سکتی ہے، اس لیے والدین پولیو ورکرز کے لیے اپنے دروازے کھولیں اور بچوں کو لازمی قطرے پلائیں۔ مزید معلومات کے لیے 1166 پر کال یا 03467776546 پر واٹس ایپ پیغام بھیجا جا سکتا ہے۔
منگل, نومبر 17, 2026
بریکنگ نیوز
- ڈپٹی کمشنر بونیر کا ترقیاتی منصوبوں کا جائزہ، مقررہ مدت میں معیاری تکمیل کی ہدایت
- منصوبے بہت، عمل کہاں؟ پاکستان کی موسمیاتی پالیسیوں کا اصل مسئلہ
- خیبر پختونخوا میں غیر قانونی گولڈ مائننگ اور دہشتگردی کے گٹھ جوڑ کے اہم انکشافات سامنے آگئے
- گورنر خیبرپختونخوا کی زیر صدارت اہم اجلاس، نامزد اضلاع میں ترقیاتی منصوبوں بارے تفصیلی بریفنگ
- پاک چین اقتصادی دوستی کا فروغ: پاکستان میں سرمایہ کاری بڑھانے میں ایس آئی ایف سی کی مؤثر کاوشیں
- حکومت کی مثبت معاشی پالیساں: پاکستان کی برآمدات میں ریکارڈ اضافہ، حجم 11 ارب 37 کروڑ ڈالر تک پہنچ گیا
- بدلتا، نکھرتا، مضبوط خیبر پختونخوا: لوڈشیڈنگ کے خاتمے کے لیے بجلی چوری کے خلاف خصوصی آپریشن کا آغاز
- بدلتا، نکھرتا، مضبوط خیبر پختونخوا: گورنر راج کے نفاذ کے بعد صوبے میں غیر قانونی سرگرمیوں کے خلاف کارروائیاں تیز

