کے پی سے جاری انٹرنیشنل ڈرائیونگ لائسنس میں سے 85 لائسنس کے جعلی ہونے کی تصدیق کردی گئی ہے۔
محکمہ ٹرانسپورٹ کے پی کی دستاویزات کے مطابق ہانگ کانگ سے 90 ڈرائیونگ لائسنس بھیجےگئے ہیں۔جن میں سے 85 لائسنس جعلی نکلے ہیں اور صرف 5 ڈرائیونگ لائسنس کو اصل قرار دیا گیا ہے۔ جس کا تحریری جواب بھی ہانگ کانگ کو بھجوادیا گیا ہے۔ ان دستاویز ات کے مطابق ہانگ کانگ نے 90 ڈرائیونگ لائسنس کی فہرست کو تصدیق کے لیے بھیجا تھا۔جس کی تصدیق کا عمل شروع ہوا تو پتا جلا کہ 90 میں سے 85 ڈرائیونگ لائسنسز کا کوئی بھی ریکارڈ نہیں ہے۔واضح رہے کہ گزشتہ چند روز قبل ہانگ کانگ سے 90 اور جبکہ اس کے ساتھ ہی آسٹریلیا سے متعددجعلی لائسنس کی تصدیق کی شکایات سامنے آئی تھیں جس کے بعد سے وزارت خارجہ کی طرف سےکے پی حکومت کو اس معاملے کی چھان بین کی ہدایایت جاری کی گئی تھی۔
