طالبان حکومت کو فوری طور پر تسلیم کرنے کا منصوبہ زیر غور نہیں، عاصم افتخار

 اسلام آباد(ویب ڈیسک) ترجمان دفترخارجہ عاصم افتخار نے کہا ہے کہ طالبان کی عبوری افغان حکومت فوری طور پر تسلیم کرنے کا کوئی منصوبہ زیر غور نہیں ہے۔
وزارت خارجہ میں ہفتہ وار پریس بریفنگ اور بعد میں دفتر خارجہ نے اعلامیہ جاری کیا ۔ اعلامیے میں کہا گیا کہ اور اس سلسلے میں پاکستان اور عالمی برادری میں مشاورت جاری ہے۔ افغان حکومت تسلیم کرنا ایک اہم سنجیدہ مسئلہ ہے۔
خیال رہے دفتر خارجہ کا بیان ایسے وقت پر سامنے آیا ہے۔ جب حال ہی میں وزیر دفاع خواجہ آصف نے کہا تھا کہ کالعدم تحریک طالبان پاکستان (ٹی ٹی پی) کے ساتھ حالیہ مذاکرات کا “کوئی ٹھوس نتیجہ نہیں نکلا”۔
دوسری جانب خیبرپختونخوا میں سوات کے شہریوں نے دہشت گردی کے خلاف سراپا احتجاج ہیں۔ حال ہی میں خبردار کیا تھا کہ اگر دہشت گردوں کو لگام نہ دی گئی تو وہ اسلام آباد کی طرف مارچ کریں گے۔
سوات کی تحصیل چارباغ اور شانگلہ کے علاقے الپوری میں احتجاجی مظاہروں کی اطلاعات ہیں۔ چارباغ میں اسی ہفتے کے آغاز میں ایک اسکول وین عسکریت پسندوں کی فائرنگ کی زد میں آ گئی تھی۔ جس میں ڈرائیور ہلاک اور دو طالب علم زخمی ہو گئے تھے۔