لنڈی کوتل میں الیکشن 2024 کے لئے ووٹ کے حوالے سے ووٹرز نے منفرد انداز اپنایا جس میں انہوں نے پانی دو ووٹ لو کی تحریک شروع کی ہے
ملک بھر میں الکشن 2024ء کی شروعات کے ساتھ ہی، سیاسی جماعتوں کی انتخابی مہم شروع ہو گئی ہے۔ لنڈی کوتل میں بھی اس دوران، منفرد انداز میں سیاسی رہنماؤں کو اپنے مسائل یاد دلانے کیلئے نوجوانوں نے مہم شروع کر دی ہے.اعلامیہ کے مطابق لنڈی کوتل کے نوجوانوں نے الیکشن مہم کے دوران "پانی دو ووٹ لو” تحریک شروع کرنے کا اعلان کیا ہے۔ مسائل کمیٹی مشران کی پریس کلب میں اس حوالے سے ہنگامی پریس کانفرنس کرتے ہوئے کہا کہ لنڈی کوتل میں ووٹ کی غرض سے کوئی بھی امیدوار آنے کی زحمت نہ کرے،چونکہ لنڈی کوتل مسائلستان بن گیا ہے۔ تمام تر بنیادی سہولیات سے بھی ،آج کل کے جدید دور میںمحروم ہیں۔
کمیٹی ممبران نے بتایا کہ مختلف مقامات پر نوجوانوں نے وال چاکنگ کے ذریعے پانی دو ووٹ لو کے نعرے درج کئے ہیں۔ شلمان واٹر سپلائی سکیم میں وزیراعظم کے بار بار اعلانات کے باوجود، کام شروع نہ ہو سکا، 21ویں صدی میں بھی جس کی وجہ سے بچے اور خواتین آج بھی سروں پر دوردراز علاقوں سے پانی لانے پرمجبور ہیں۔
کمیٹی ممبران نے پریس کانفرنس کے دوران، بجلی کی ظالمانہ لوڈ شیڈنگ کا ذکر کیا اور بتایا کہ 72 گھنٹوں میں صرف 2 گھنٹوں کے لیے بجلی آتی ہے۔ اس کے علاوہ، ہسپتال میں سہولیات کا فقدان ہے، اس کے علاوہ پشاور مریضوں کو معمولی طبی مسائل کے لئے ریفر کیا جاتا ہے۔کمیٹی ممبران نے ختم ہونے والی پریس کانفرنس میں کہا کہ اب مزید دھوکہ نہیں کھا سکتے، مسائل کے حل کے لیے عملی اقدامات چاہتے ہیں نہ کہ صرف نعرے اور اعلانات پیش کئے جائے۔
