گورنر خیبرپختونخوا فیصل کریم کنڈی نے کے پی پولیس کے شہدا اور زخمی اہلکاروں و افسران کے لیے ریلیف پیکج میں بڑے اضافے کا اعلان کردیا۔
فیصل کریم کنڈی نے کہا کہ کے پی پولیس میں کانسٹیبل سے انسپکٹر تک معاوضہ شہدا پیکج ایک کروڑ 10 لاکھ سے بڑھا کر ایک کروڑ 70 لاکھ روپےکردیا گیا ہے۔
ڈی ایس پی اور اے ایس پی رینک کے شہدا کا معاوضہ ایک کروڑ 60 لاکھ روپے سے بڑھاکر ڈھائی کروڑ روپےکر دیا ہے۔
انہوں نے مزید کہا کہ گریڈ 19 اور 18 کے شہدا کا معاوضہ 3کروڑ روپے کردیا گیا ہے۔
گریڈ 20 اور زائد کے شہدا کا معاوضہ ساڑھے تین کروڑ روپے کردیا گیا ہے۔
گورنر خیبرپختونخوا نے کہا کہ دوران ڈیوٹی زخمی اہلکاروں کا پیکج ایک لاکھ سے بڑھاکر 15 لاکھ روپے کر دیا گیا ہے۔
مستقل معذوری پر 50 لاکھ روپے دینے کی منظوری بھی دیدی ہے۔
انہوں نے کہا کہ کانسٹیبل سے انسپکٹر تک شہدا کے ورثا کو 5 مرلہ پلاٹ کی جگہ ایک کروڑ 80 لاکھ روپے دیے جائیں گے۔
گریڈ 20 اور زائد کے پولیس شہدا کے ورثا کو پلاٹ کی جگہ 7 کروڑ روپے دینے کا فیصلہ کیا ہے۔
گورنر کے پی نے کہا کہ اہلکاروں کے والدین یا بہن بھائیوں کی وفات پر 30 لاکھ روپے مالی امداد دی جائے گی۔
