وزیرِ اعلیٰ خیبر پختونخوا کے مشیر خزانہ مزمل اسلم نے کہا ہے کہ سولر منصوبے کے تحت ایک لاکھ گھروں کو سولر سسٹم مہیا کیے جائیں گے۔
غیر ملکی نیوز ایجنسی سے گفتگو کرتے ہوئے وزیرِ اعلیٰ خیبر پختونخوا کے مشیر برائے خزانہ کا کہنا تھا کہ200 اور 300 بجلی کے یونٹ استعمال کرنے والے صارفین کیلئے سولر سکیم متعارف کروائیں گے ۔مزمل اسلم کے مطابق ابتدائی طور پر ایک لاکھ لوگوں کو سولر سسٹم مہیا کرنے کا منصوبہ بنایا گیا ہے۔
مزمل اسلم کا کہنا تھا کہ سولر سسٹم تین طرح کے گھرانوں کو دیے جائیں گے: پہلے وہ جو انتہائی غریب ہیں انھیں پورا سولر پلانٹ لگا کر دیں گے اور انھیں سولر سے چلنے والے پنکھے اور بیٹری بھی مہیا کریں گے۔یہ لگ بھگ 2 لاکھ کے قریب کا پیکج ہوگا لیکن ابھی اس پر حتمی کام کیا جا رہا ہے۔
مشیر خزانہ کا مزید کہنا تھا کہ دوسرے وہ لوگ ہیں جو سولر سسٹم لینے کی استطاعت رکھتے ہیں، ان کے لیے آدھی رقم صوبائی حکومت دے گی اور آدھی وہ خود دیں گے۔انھوں نے کہا کہ تیسرے وہ لوگ ہیں جو سولر سسٹم لگوانے کی استطاعت تو رکھتے ہیں لیکن ان کے پاس نقد رقم موجود نہیں، انھیں ہم یہ سسٹم آسان اقساط پر دلوا ئیں گے، اس کا مارک اِپ بھی صوبائی حکومت ادا کرے گی۔
جمعرات, ستمبر 19, 2024
بریکنگ نیوز
- بالی وڈ:ایشوریا رائے اور رانی مکھرجی کی دوستی ٹوٹنے کی کیا وجہ تھی؟
- چیمپئینز ون ڈے کپ میں شاداب اور شاہین کی ہوئی لڑائی
- افغان سفارتکار کی قومی ترانے کی بے توقیری،کے پی اسمبلی میں قرار داد جمع
- ملک بھر میں سونے کی نئی قیمت کیا ہے؟
- بھارت میں عید میلاد النبیؐ کے جلوس پر ہندو انتہا پسندوں کا پتھراؤ
- چیک پوسٹیں ختم کرکے جرگہ سسٹم بحال کر رہے ہیں،علی امین گنڈاپور
- خیبر ٹی وی نیٹ ورک نے عید میلاد النبیؐ کے حوالے سے خصوصی نشریات کا انعقاد کیا
- میلاد النبیؐ میں شرکت کیلئے جانے والی بس حادثے کا شکار, 26 بچے جان کی بازی ہار گئے