ڈیرہ اسماعیل خان کے علاقے تھانہ پروآ کی حدود میں واقع نیشنل بینک پر مسلح افراد نے حملہ کر دیا۔ پولیس ذرائع کے مطابق 20 سے 25 مسلح افراد نے بینک پر دھاوا بولا اور لوٹ مار کے بعد موقع سے فرار ہو گئے۔
حملے کے نتیجے میں 4 پولیس اہلکار زخمی ہو گئے جنہیں فوری طور پر قریبی اسپتال منتقل کر دیا گیا، جہاں انہیں طبی امداد دی جا رہی ہے۔ ذرائع کا کہنا ہے کہ زخمی اہلکاروں کی حالت خطرے سے باہر ہے۔
واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی اور علاقے کو گھیرے میں لے کر سرچ آپریشن شروع کر دیا گیا ہے۔ ملزمان کی گرفتاری کے لیے ناکہ بندی بھی کر دی گئی ہے جبکہ واقعے کی مزید تحقیقات جاری ہیں۔
