بارشوں کے بعد خیبرپختونخوا میں 200 سے زائد فیڈرز ٹرپ کرگئے

خیبرپختونخوا میں مون سون کی بارشوں سے ایک جانب جانی اور مالی نقصان ہوا ہے وہاں صوبہ بھر میں بجلی کے 245 فیڈرز بھی ٹرپ کرگئے۔
پیسکو کے ترجمان کے مطابق پشاور سرکل میں 83 اور خیبر سرکل میں 64 فیڈرزبارش سے متاثر ہوئے ہیں۔
ترجمان نے کہا کہ مردان میں 21 اور صوابی میں بجلی کے 20 فیڈرز ٹرپ کرگئےہیں۔
پیسکو ترجمان کے مطابق ایبٹ آباد سرکل 21، سوات سرکل 29 اور مانسہرہ میں بجلی کے 8 فیڈرز متاثر ہوئے ہیں۔
ترجمان پیسکو کا مزید کہنا تھا کہ فیڈرز متاثر ہونے سے کئی علاقوں میں بجلی کی ترسیل معطل رہی۔متاثرہ علاقوں میں بجلی کی بحالی کیلئے ہنگامی اقدامات پر کام جاری ہے۔