کراچی: پاکستان اسٹاک ایکسچینج کے 100 انڈیکس نے 90 ہزار کی سطح عبور کرکے نئی تاریخ رقم کردی۔
پاکستان اسٹاک ایکسچینج میں جمعہ کے روز کاروبار کا آغاز مثبت انداز میں ہوا اور 100 انڈیکس میں 650 پوائنٹس کا اضافہ ہوا جس سے انڈیکس 89 ہزار 596 پر پہنچ گیا۔
اس کے کچھ ہی دیر بعد 100 انڈیکس ایک ہزار 110 پوائنٹس یا 1.25 فیصد اضافے کے بعد 90 ہزار کا سنگ میل بھی عبور کر لیا۔
اس کے بعد ینچ مارک کے ایس ای-100 انڈیکس ایک ہزار 110 پوائنٹس اضافے کے بعد تاریخ میں پہلی بار 90 ہزار کی نفسیاتی حد بھی عبور کر گیا۔
واضح رہے کہ گزشتہ روز بھی اسٹاک مارکیٹ میں تیزی تھی اور 1751 پوائنٹس کا اضافہ ہوا تھا جب کہ مارکیٹ 88 ہزار 945 کی سطح پر بند ہوئی تھی۔
