پشاور: رمضان المبارک کا چاند دیکھنے کے لیے مرکزی رویت ہلال کمیٹی کا اجلاس کل پشاور میں طلب کرلیا گیا ، اجلاس کی صدارت کمیٹی کے چیئرمین مولانا عبدالخبیر آزاد کریں گے ۔
مرکزی رویت ہلال کمیٹی کا اجلاس شام 6 بج کر 30 منٹ پر شروع ہوگا ،اجلاس میں دیگر مرکزی ممبران و علما کرام کے علاوہ سپارکو اور محکمہ موسمیات کے حکام بھی شریک ہوں گے ۔
محکمہ موسمیات کے مطابق پشاور سمیت خیبرپختونخوا میں آئندہ 24 گھنٹوں کے دوران موسم جزوی طور پر آبر آلود رہے گا جس کے باعث کل رمضان المبارک کا چاند نظر آنے کے امکانات کم ہیں ۔
محکمہ موسمیات کا مزید کہنا ہے کہ غروب آفتاب کے وقت چاند کی عمر تقریباً 12 گھنٹے اور 45 منٹ ہوگی ۔
