انٹرنیشنل کرکٹ کونسل نے پاکستان کرکٹ ٹیم کو تیسرے ون ڈے میچ میں بھی سلو اوور ریٹ پر جرمانہ عائد کر دیا۔
پاکستان ٹیم نے جرمانوں سے بھی سبق نہ سیکھا اور تیسرے میچ میں جرمانہ کروا بیٹھے،پاکستان کو نیوزی لینڈ کے خلاف پہلے دو ون ڈے میچز میں بھی جرمانہ ہوا تھا ۔
پاکستان ٹیم مقررہ وقت میں ایک اوور پیچھے رہی جس کے باعث آئی سی سی کی جانب سے سلو اوور ریٹ پر پاکستانی ٹیم پر میچ فیس کا 5 فیصد جرمانہ عائد کیا گیا ،قومی ٹیم کے کپتان محمد رضوان نے اپنی غلطی تسلیم کر لی ۔
یاد رہے کہ تین ایک روزہ میچوں کی سیریز میں نیوزی لینڈ نے پاکستان کو تین صفر سے شکست دیکر وائٹ واش کیا تھا جبکہ اس سے قبل نیوزی لینڈ نے 5 ٹی 20 میچوں کی سیریز میں بھی گرین شرٹس کو 4 ایک سے شکست دی تھی ۔
