کوئٹہ: بلوچستان سپیشل ڈویلپمنٹ انیشی ایٹو (بی ایس ڈی آئی) کے تحت صوبے کے مختلف اضلاع میں ترقیاتی کام تیزی سے جاری ہیں۔
بی ایس ڈی آئی کے تحت ضلع نصیر آباد میں فیز ون اور ٹو کے مجموعی طور پر 78 منصوبے مکمل کر لیے گئے۔
ضلع نصیر آباد میں 78 ترقیاتی منصوبے 74 کروڑ روپے سے زائد کی لاگت سے قبل از وقت مکمل کیے گئے۔
ترقیاتی منصوبوں میں تعلیم، صحت، صاف پانی اور سڑکوں سمیت دیگر بنیادی سہولیات کے منصوبے شامل ہیں۔
ایف سی بلوچستان، سول انتظامیہ اور منتخب عوامی نمائندوں پر مشتمل کمیٹی نے منصوبوں کی بروقت تکمیل کو یقینی بنایا۔
نصیر آباد کے عوام نے ترقیاتی منصوبوں کو علاقے کی خوشحالی، تعمیر و ترقی اور بنیادی سہولیات کی فراہمی میں سنگ میل قرار دیا۔
