مثبت تبدیلی کی جانب ایک اہم قدم ، خیبر نیٹ ورک کے سماجی فلاح و بہبود کے معروف ادارے خودمختار ساوی نے تین بڑے اداروں کے ساتھ مفاہمت کی ایک یادداشت پر دستخط کیے ہیں، ان میں راول انسٹی ٹیوٹ آف ہیلتھ سائنسز، راول فاؤنڈیشن، اور گلوبل سٹریٹجک انسٹی ٹیوٹ فار سسٹین ایبل ڈیویلپمنٹ شامل ہیں ۔
معاہدے کا مقصد مشترکہ کوششوں سے بے بس اور غریب گھرانوں کی خدمت کرنی ہے، اس تعاون کے ایک حصے کے طور پر کئی اہم اقدامات شروع کیے جائیں گے، ان میں مفت میڈیکل کیمپ، آگاہی سیمینار، اور ایسے پروگرام شامل ہیں جو لوگوں کی فلاح و بہبود پر توجہ مرکوز کرتے ہیں ۔
ادارے مل کر پائیدار ترقی کو فروغ دیں گے اور پسماندہ علاقوں کی مدد کریں گے، یہ سٹریٹجک اتحاد تمام شراکت داروں کو صحت، تعلیم اور ترقی کے شعبوں میں مل کر کام کرنے کی اجازت دے گا ۔
خود مختار ساوی اور مذکورہ ادارون کے مشترکہ اقدامات کے ذریعے نو تشکیل شدہ ایسوسی ایشن کا مقصد زمین پر حقیقی تبدیلی لانا ہے ۔
ایم او یوز پر صدر خودمختار ساوی محترمہ مریم کیوان،ڈائریکٹر راول فاونڈیشن اور راول انسٹی ٹیوٹ اور ہیلتھ سائنسز محترمہ عمیرہ حیات اور چیف ایگزیکٹیو گلوبل سٹریٹیجک انسٹی ٹیوٹ ڈاکٹر شکیل احمد نے دستخط کئے ۔
