بھارتی کھلاڑیوں کے رویئے کے باعث پاکستان نے ایشیا کپ کے میچ ریفری کو تبدیل نہ کیے جانے کی صورت میں ایونٹ کے مزید میچ میں حصہ نہ لینے کا فیصلہ کرلیا ۔
لاہور: پاکستان کرکٹ بورڈ نے سپرٹ آف دی کرکٹ کی پاسداری نہ کرنے پر آئی سی سی اور ایم سی سی کو خط لکھ کر میچ ریفری پائی کرافٹ اور ایونٹ ڈائریکٹر اینڈریو پارسل کو ہٹانےکا مطالبہ کردیا ۔
پاکستان کرکٹ بورڈ نے سخت مطالبہ کیا ہے کہ اگر آئی سی سی نے میچ ریفری کو تبدیل نہ کیا تو پاکستان ٹیم ایشیا کپ کے مزید کسی میچ میں حصہ نہیں لے گی ۔
بھارتی کھلاڑیوں نے دانستہ طور پر پاکستانی پلیئرز سے ہاتھ نہ ملا کر کھیل کی ساکھ کو نقصان پہنچایا، میچ ریفری نے جان بوجھ کر کپتانوں کو ہاتھ ملانے سے روکا ۔
