وزیرِ اعظم محمد شہباز شریف کی واشنگٹن میں منعقدہ بورڈ آف پیس کے افتتاحی اجلاس میں شرکت کیلئے آئے عالمی رہنماؤں سے غیر رسمی و خوشگوار ملاقاتیں ہوئیں ، اس دوران غزہ کی صورتحال، دہشتگردی کے خلاف جاری جنگ سمیت دیگر اہم امور زیر بحث آئے ۔
تفصیلات کے مطابق وزیرِ اعظم کی امریکی صدر ڈونلڈ ٹرمپ او وزیر خارجہ مارکو روبیو سے اہم ملاقاتیں ہوئیں ، اس دوران دو طرفہ تعلقات اور سرمایہ کاری سمیت دہشتگردی کے خلاف جنگ اور دیگر اہم امور زیر بحث آئے ۔
وزیراعظم اور بحرین کے فرمانروا، شاہ حماد بن عیسی الخلیفہ، آذربائیجان کے صدر الہام علیئیف، ازبکستان کے صدر شوکت مرزایوف، قازقستان کے صدر قاسم جومارت توکایف اور انڈونیشیاء کے صدر پرابوو سوبیانتو سے غیر رسمی ملاقاتیں ہوئیں ۔
ملاقاتوں میں اہم عالمی و علاقائی امور پر گفتگو کی گئی جبکہ ملاقاتوں میں مسکراہٹوں کا تبادلہ اور غیر رسمی گرمجوشی کا مظاہرہ دیکھنے میں آیا ۔
وزیرِ اعظم شہباز شریف واشنگٹن میں صدر ٹرمپ کی دعوت پر بورڈ آف پیس کے افتتاحی اجلاس میں شرکت کیلئے گئے تھے ۔
پاکستان کی بورڈ آف پیس میں شمولیت غزہ میں امن کے قیام، تعمیر نو، عالمی امن کیلئے پاکستان کی کوششوں اور سفارتی پالیسی کی بڑھتی ہوئی کامیابیوں کی عکاسی ہے ۔
