پشاور (خصوصی رپورٹر) خیبر ٹیلی ویژن نیٹ ورک کی فلاحی تنظیم خودمختار ساوی نے سال بھر کی طرح اس ماہ صیام میں بھی مساکین، بیواؤں اور غرباء میں رمضان پیکیجز تقسیم کیے۔
گزشتہ روز اس سلسلے میں خیبر ٹیلی ویژن سنٹر پشاور میں ایک پروقار تقریب کا انعقاد کیا گیا، جس میں پشاور اور اس کے نواحی علاقوں سے 50 مستحقین، جن میں فنکار، مزدور، بیوائیں اور معذور افراد شامل تھے، کو فل رمضان پیکیج فراہم کیا گیا۔ ان پیکیجز میں آٹا، دالیں، گھی، چینی، چاول، بیسن اور دیگر روزمرہ اشیاء خوردنی شامل تھیں۔
اس موقع پر جی ایم ساوی مینہ شمس، اسٹیشن مینجر کامران جان، محمد وسیم (خیبر نیوز)، جی ایم پی آر جمشید علی خان، ڈی سی سی این اور اے جی ایم فہمید خان سمیت دیگر ذمہ داران بھی موجود تھے۔
