پشاور کی دیہی علاقے بدھ بیر سلیمان خیل میں ڈرون طیارہ گر گیا ، ڈرون گرنے سے کسی قسم کا جانی و مالی نقصان نہیں ہوا ، پولیس حکام نے بتایا ہے کہ ڈرون طیارے کے حوالے سے تحقیقات شروع کر دی گئی ہیں ۔
پشاور: پولیس ذرائع کے مطابق پشاور کے بدھ بیر تھانے کی حدود میں ڈرون طیارہ گر گیا، تاہم طیارے کے گرنے سے کسی قسم کا مالی یا جانی نقصان نہیں ہوا ۔
ذرائع نے مزید بتایا ہے کہ ڈرون طیارہ گرنے سے مقامی لوگوں میں شدید خوف و ہراس بھی پھیل گیا، تاہم جانی و مالی نقصان کیا طلاع نہیں ملی ۔
پولیس کا کہنا ہے کہ اس سے پہلے بھی پشاور کے متنی اور دیگر مختلف پولیس اسٹیشنوں پر ڈرون طیاروں کے ذریعے حملوں کی کوششیں کی گئی تھیں ۔
پولیس نے مزید کہا کہ پولیس کی بہتر منصوبہ بندی کی وجہ سے یہ تمام حملے ناکام بنا دیے گئے ہیں، پشاور پولیس نے ڈرون طیارے کے حوالے سے تحقیقات کا دائرہ کار مزید وسیع کر دیا ہے ۔
