باجوڑ کی تحصیل سالارزئی کے سرحدی علاقے لیٹئی میں افغانستان کی جانب سے داغا گیا مارٹر گولہ آبادی پر گرنے سے ایک ہی خاندان کے چار افراد جاں بحق اور ایک زخمی ہو گیا ۔
باجوڑ: پولیس حکام کے مطابق افغانستان کی جانب سے عام آبادی پر مارٹر گولہ فائرر کیا گیا ، جو گھر پر گرا جس سے چار نوجوان بھائی موقع پر جاں بحق ہو گئے ۔
پولیس حکام کے مطابق واقعے میں جاں بحق ہونے والے چاروں جوان آپس میں بھائی ہیں ،جن کی شناخت ساجد، ایاز، ریاض اور معاذ کے نام سے ہوئی ہے ۔
پولیس حکام نے مزید بتایا کہ اس حملے میں ایک شخص شدید زخمی بھی ہوا ہے جسے فوری طور پر قریبی اسپتال منتقل کر دیا گیا ہے ۔
سرحد پار سے ہونے والی اس بلا اشتعال فائرنگ کے بعد تمام سرحدی علاقوں میں شدید خوف و ہراس پھیل گیا ہے، مقامی لوگوں نے حکام سے عوام کے تحفظ کا مطالبہ کیا ہے ۔
