اسلام آباد: وفاقی وزیر داخلہ محسن نقوی نے شمالی وزیرستان میں خوارجیوں کے خلاف کامیاب کارروائیوں پر سکیورٹی فورسز کو خراجِ تحسین پیش کیا ہے۔
محسن نقوی نے 4 کمانڈروں سمیت 9 خوارجیوں کو ہلاک کرنے پر سکیورٹی فورسز کے عزم اور پیشہ ورانہ صلاحیتوں کو سراہا۔
وزیر داخلہ نے کہا کہ عزمِ استحکام کے تحت دہشت گردوں کے خلاف بلاامتیاز کارروائیاں جاری ہیں اور جاری رہیں گی۔
فتنہ الخوارج کے تمام عناصر کا قلع قمع کرنے تک ملک سے دہشت گردی کے خلاف جنگ جاری رہے گی۔
محسن نقوی نے کہا کہ پوری قوم دہشت گردی کے خاتمے کے لیے اپنی بہادر سکیورٹی فورسز کے ساتھ کھڑی ہے۔
